Isang Panata sa Pagiging Mabuting Pilipino

Tutal, Kaarawan ng ating Pambansang Bayaning si Dr. Jose Rizal, dapat nating gamiting ang ating wika sa pagpapahayag ng ating makabayan. Dahil kailangan ko pang buuin ang aking diwa sa pagsulat ng blog sa naganap kagabi na Blogger's Event para sa ating Bayani.

Narito po ang isang Panata na dapat nating isapuso tulad ng pagsasapuso nito ni Dr. Jose Rizal.

Isang Panata sa Pagiging Mabuting Pilipino

Ako ay Pilipino!

Katungkulan ko na tubusin ang ating bansa mula sa kanyang pagkakalupig. Ang ating Inang Bayan ay nakabihag at nakagapos at kailangan natin siyang tubusin bago pa tayo makalimot.

Magiging mabuting tao ako, mabuting mamamayan, at tutulong ako sa ikauunlad ng bansa gamit ang aking isip at puso. 

Mangunguna ako sa paghubog ng aking sarili.

Susubukan kong itayo ang mga haligi ng bansang Pilipino.

Magbabalik ako sa aking lupang tinubuan at magiging masaya dito. Sapagkat mas mapaglilingkuran ng mga Pilipino ang bansa kung sila ay nasa Pilipinas, at ang maglilingkod sa bansa ay walang iba kung hindi ang mananatili doon.

Aasamin ko ang kasiyahan ng aking sariling bansa

Ikasisiya kong tunay ang lahat ng bagay na patungkol sa aking bansa. 

Mananatili akong naglilingkod sa aking bansa kung ano ang sa tingin ng aking mga kababayan na kaya kong gawin ay gagawin ko.

Aalamin ko ang mga bagay na patungkol sa aking bansa.

Hindi ako titigil sa pagsisilbi sa aking bansa, na siyang humubos sa kung ano ako at nagbigay sa akin ng buhay at karunungan.

Pakikinggan ko ang aking budhi na nagsasabi na gawin ang itinakda ng aking tungkulin na mahalin ang bansa.

Magiging modelo ako ng kalinisang-puri at magandang katangian sapagkat kung sino mang nagtuturo ay kailagang mas higit lagi sa kung sino ang tinuturuan.

Mamahalin ko ang aking bansa sapagkat siya'y karapat-dapat na mahalin. Mamahalin ko siya anuman ang kanyang kalagayan. 

Iisipin ko ang kanyang kapakanan at kaginhawaan.

Ipapasok ko ang pag-ibig sa bansa sa aking puso kung saan hindi ito nabubura.

Mamahalin ko ang kahabag-habag nating bansa at itinitiyak kong mamahalin ko siya hanggang huling sandali.

Sapagkat bahagi ako ng mabuti sa mga Pilipino, Mamamayan ako ng Pilipinas, sa aking kamay nasa mabuti siyang kamay.

Magiging abala ako sa pagsusumikap para sa lalong ikadadakila ng Pilipinas. Dahil bilang Pilipino, kapag ninais ko, kayang-kaya ko itong makamit.

Para sa kabutihan at kapakanan ng lupang tinubuan na siyang aming nais. NON OMNIS MORIAR

Ito ang panata ko sa bayan nina Rizal, Bonifacio, at ating mga bayani. 

Kasihan nawa ako ng Bathalang Maykapal.